ធ្វើលើដីខ្មែរសោះ ម្តេចវៀតណាមមកហាម?
ខេត្តកំពត ៖ គេឃើញអាជ្ញាធរវៀតណាមបានជិះម៉ូតូឆ្លងដែន មកហាមឃាត់ត្រាក់ទ័ររបស់ម្ចាស់កាស៊ីណូ «សាន់រ៉ាយ» ដែល
មានទីតាំងនៅជិតច្រកព្រំដែនអន្តរជាតិព្រែកចាក ក្នុងភូមិថ្កូវ ឃុំប្ញស្សីស្រុកខាងលិច ស្រុកកំពង់ត្រាច ((ចំណុចផ្លូវចូលទៅកាន់កាស៊ីណូសាន់រ៉ាយ) មិនឱ្យត្រាក់ទ័រឈូសដីទេ កាលពីព្រឹកថ្ងៃទី០៤ កុម្ភៈ ។
ការហាមឃាត់របស់នគរបាលវៀតណាមនេះ គេបានឃើញនគរបាលវរសេនាតូចលេខ601 ការពារព្រំដែនគោក ចុះមកពិនិត្យ មើលផងដែរ ។
លោកប៊ូ សមសក្តិ អតីតស្នងការរងនគរបាលខេត្តកំពត និងជាម្ចាស់កាស៊ីណូ បានប្រាប់ឱ្យដឹងថា ផ្លូវដែលឈួសឆាយចូលទៅកាន់កាស៊ីណូនេះ គឺជាផ្លូវអ្នកមុនៗ បានចាក់ដីធ្វើផ្លូវនេះជាយូរឆ្នាំហើយ តែចុងក្រោយផ្លូវនេះ បានខូចខាតអស់ទៅវិញ ។
ហើយឥឡូវនេះ គាត់បានជួលត្រាក់ទ័រគេមកឈួសឆាយជួសជុល ស្រាប់តែមានខាងវៀតណាមបានជិះម៉ូតូឆ្លងដែន មកឃាត់មិនអោយឈួសទៅវិញ ។ លោកបន្តថា ការជួសជុលផ្លូវនេះ មិនត្រឹមតែចូលទៅកាន់កាស៊ីណូនោះទេ សំខាន់គឺសម្រាប់ប្រជាពលរដ្ឋនៅភូមិថ្កូវ ក៏អាចដើរបានដែរ ។
ប៉ុន្តែពេលកំពុងធ្វើ ស្រាប់តែភាគីវៀតណាមមកហាមឃាត់ ។ លោកឆ្ងល់ថា ធ្វើនៅលើដីខ្មែរសោះ ហេតុអ្វីក៏មានសភាពការណ៍បែបនេះ ហើយត្រង់ចំណុចនោះ បានបោះបង្គោលព្រំដែនរួចរាល់ អស់ដែរហើយ ។
ទោះជាបែបណា ម្ចាស់កាស៊ីណូ គឺលោកប៊ូ សមសក្តិ បានខកចិត្តនិងការធ្វើផ្លូវទៅកាន់កាស៊ីណូរបស់ខ្លូនមិនបានសំរេច ដោយសារភាគីវៀតណាមមកហាមឃាត់ ។ បើយោងតាមសម្ដីមន្ត្រីនគរបាលការពារព្រំដែនគោកបា នប្រាប់កាលពីថ្ងៃទី០៥ កុម្ភៈ ថា ការឈួសឆាយធ្វើផ្លូវទៅកាន់កាស៊ីណូនោះ វាកៀកកិតព្រំដែនពេក ។
No comments:
Write comments